“BARIK” TXARTELA ERABILTZEKO GIDA

Eskuliburua (pdf)

1.- ZER DA “BARIK” TXARTELA?

BARIK txip txartela da eta BGPk garatu duen proiektu pilotu batean txertatu da.

Proiektuan, BGPz gainera, Bizkaiko Foru Aldundiak, Bilboko Udalak, BBK-k eta BBVAk hartu dute parte, garraiogintzan kontakturik gabeko teknologia ezartzeko. Horretarako, 650 pertsonako taldea ariko da lanean.

Txartel pertsonala eta transferiezina da, eta titularrak baino ezin izango du erabili.
Erabiltzaileei emango zaizkien BARIK txartelak BBK eta BBVA finantza erakundeek jaulkiko dituzte eta bakoitzari dagokion logotipoa eramango dute atzealdean.

Probaldian, guztira, 650 BARIK izango dira, aipaturiko mota bietakoak, eta 325 txartel erakunde bakoitzeko. Erabilterraza da erabiltzailearentzat, makinek berdin-berdin hartuko dituztelako txartel biak, baina ez hornitzean, izan ere, erabiltzaile bakoitzak txartelari dagokion erakundean hornitu beharko du.

Txartela BGPk zehazturiko garraiobideetan soilik erabili ahal izango da eta ez du baliorik izango proiektu pilotuaren kanpoko eremuetan eta ibilbideetan.

Garraiobide horietan erabili baino lehen, txartela diruz hornitu beharko da hartarako egongo diren terminaletan.

2.- NOIZ ARTE PROIEKTU PILOTU HAU?

Aurreikusi denez, proba pilotu honek 6 hilabete iraungo du gutxi gorabehera.

BARIK txartela iraungi egingo da BGPk esperientzia pilotu hau amaitutzat jotzen duenean, nahiz eta aurreikusitako amaiera data baino lehen izan. Titularrak txartela itzuli beharko du proba behin amaituta.

3.- NON ERABILI DAITEKE?

Metroa. Sarrera eta irteera gune bana egongo da Moyua, Areeta, Barakaldo eta Sopelako geltokietan.

Bizkaibuseko lineak. 3516 Mungia — Bilbo linea (Artxandako tuneletan).
3522 Bermeo - Mungia - EHU - Gurutzeta linea.

Bilbobuseko lineak. Linea 71: San Adrián – San Inazio.

4.- ZELAN DABIL BARIK?

BARIK txip txartela da eta garraioetan “kontakturik gabe” erabili eta balidatuko egingo da, baita hornitu ere.

Proba pilotuan, BARIK txartelak Creditrans garraio titulua dauka bakarrik, bai eta haren funtzionamendu berdina ere, euskarri berriaren berezitasunez gain.

BARIK autobusetako eta probetarako metro geltokietako kantzelagailuetara hurreratuz balidatuko da. Txartela 4-5 cm-ra hurreratu eta eragiketa zuzena bada, bidaiaren zenbatekoa kendu egingo da uneko saldotik eta aldi berean gainerako saldoa erakutsiko du.

Era berean, soinu- eta argi-seinale bat emitituko du, kantzelatzea zuzena ala okerra izan den adierazteko.

Bizkaibusen, helmuga zehaztu behar denez, lehenengo gunea aukeratu eta geroago txartela hurreratuko beharko da.

Autobusetan, ezin izango da bi bider segidan kantzelatu, ez eta saldo ez-nahikoa esku diruaz osatu ere.

Proba pilotu honetan, ez dago multibidaia kantzelatzerik, ez metroan ez autobusetan.

5.- ZELAN HORNITU “BARIK”?

BARIK txartelen tituluak BBKren txarteletarako kutxazainetan eta BBVAren txarteletarako terminal lagunduetan hornituko dira.

Egindako eragiketaren agiria eskatu daiteke.

Hautatutako erabiltzaileek finantza erakundeetan soilik hornitu ahal izango dute. Beste edonon egindako horniketa ez da doakoa izango, eta ez da dirua itzuliko.

BBKren BARIK txartelak erakunde horren orotarako kutxazainetan hornituko dira. Txartela kutxazainaren irakurgailuan sartuz egingo da eragiketa. Behin sartuta, egin beharreko eragiketa hautatuko da (Saldoa hornitu).

Kutxazainak txartelari atxikiriko ezkutuko zenbakia eskatuko du eta pantailako aginduei jarraitu beharko zaie. Gainera, ezkutuko zenbakia aldatzeko aukera ere izango du erabiltzaileak eta gogoratzen errazago den beste bat jarri.

BBKren kutxazainen zerrenda

BBVAren BARIK txartelak erakunde honen terminal lagunduetan hornituko dira, ondoren zehazten diren bulegoetan. Ordutegia 8:30etik 14:30era bitartean izango da, astelehenetik ostiralera.

BBVAren bulegoen zerrenda

6.- ZENBAT DIRUZ HORNITU TXARTELA?

Proba pilotu honetan garraioa doan da titularrarentzat, hilean gehienez 55 eurora arte, probak iraun bitartean. Gastu hori BGPk hartuko du bere gain. Kopuru hori gaindituz gero, txartela kenduko zaie erabiltzaileei.

BARIK txartelak gehienez 50 euroko saldoa izan dezake une bakoitzean.

Titularrak nahi duen guztietan hornitu ahal izango du saldoa txartelean, betiere lehen aipatutako mugak errespetatuz.

Bidaiari bakoitzak nahi beste diruz hornitu dezake txartela, kontuan izanik gutxieneko kopurua 5 € dela eta gehienekoa 50 €.

7.- NOLA KONTSULTATU TXARTELA?

BARIK txartelen tituluak honako lekuetan kontsultatu daitezke: BBKren kutxazainetan (BBK txartelak), BBVAren terminal lagunduetan (BBVA txartelak) eta Metro Bilbaok proba piloturako atondu dituen lau geltokietako Txartel Makina Automatikoetan (txartel guztiak).

Saldoa eta txartelarekin egindako azken 10 mugimenduak kontsultatu daitezke.

Kutxazain automatikoen kasuan, kontsulta egiteko txartela sartu behar da kutxazainaren irakurgailuan, menuan eragiketa hautatu (Eragiketen kontsulta), eta pantailako aginduei jarraitu beharko zaie.

Egindako eragiketaren agiria eskatu daiteke. Metroko makinen kasuan, saldoa baino ez da inprimatuko.

Kontsultatzeko lekuak 5. atalean adierazitakoak dira eta horiez gainera, lehen aipatutako
Metro Bilbaoren lau geltokiak.

8.- ZER EGIN GORABEHERARIK EGONEZ GERO?

BARIK txartela erabiltzerakoan gorabeherarik sortzen bada, Call Center zerbitzuari jakinarazi beharko zaio (telefonoa: 900-50.63.65). Hauxe izango da ordutegia: astelehenetik ostiralera, 8:00etatik 22:00etara, eta larunbat goizetan 9:00etik 14:00etara.

Telefono horretan BARIK txartelari buruzko kontsultak eta gorabeherak jasoko dira eta nola jokatu adieraziko da, txartela galdu, ostu edo apurtzen bada.

Gorabeherei 24 orduren barruan erantzungo zaie, jaiegunetan izan ezik, hurrengo astegunera arte itxaron beharko da-eta.

9.- ZER EGIN “BARIK” TXARTELAK FUNTZIONATZEN EZ BADU?

Kontakturik gabeko sisteman arazorik egonez gero, erreserbako Creditrans arrunta emango zaie erabiltzaileei, 5 €-koa, bidaia amaitu ahal izateko. Hori erabiltzeko, txartelarekin batera gorabeheren partea eduki behar izango da.

Txartela ondo ez badabil eta aldatu nahi izanez gero, honako lekuetara joko da: BBVAk txartel hau dela-eta jarri dituen bulegoetara (BBVA txartelak), erabiltzaileen arretarako BBK-k dituen lau bulegoetara (BBK txartelak), BGPra (txartel guztiak) edo ERYBAren bulegora (txartel guztiak). Ondo ez dabilen txartelaren ordez berria emango dizute, baina agiri bat sinatu eta bete beharko duzu.

Hauek dira helbideak:

BBK - Bezeroak Atenditzeko Bulegoak

Apirilera arte (hori barne), bulegoa horiek zabalik egongo dira arratsaldeetan astelehenetik ostegunera) eta larunbat goizetan.

BBVA - Bezeroen Arretarako Bulegoak

Ordua: 8:30-14:30, astelehenetik ostiralera.

ERYBA

Call center: 900-50.63.65
Helbidea: Iparragirre 55, beheko solairua, 14. dptua.
Ordua: 8:00-22:00, astelehenetik ostiralera
Larunbata: 9:00-14:00
www.eryba.es

BIZKAIKO GARRAIO PARTZUERGOA
Telefonoa: 94-476.61.50
Helbidea: Ugasko 5 bis – 1. solairua
Ordua: 8:30-17:00, astelehenetik ostegunera
Ostirala: 8:30-14:30
www.cotrabi.com

10.- ZER EGIN “BARIK” GALDU EDO OSTEN BADA?

Horrela bada, 9. atalean adierazitakoa egin behar da; baina salbuespen batekin: txartel berria Eryba eta Bizkaiko Garraio Partzuergoan baino ez da emango.

11.- ZER DAKAR “BARIK” PROIEKTUAN PARTE HARTZEAK?

BARIK txartelaren erabiltzaile baimenduek Bizkaiko Garraio Partzuergoak agindutako eta gida honetan azaldutako leku eta baldintzetan erabili beharko dute txartela. Horrez gainera, proba pilotuak iraun bitartean gertatuko den edozein arazo edo gorabehera jakinarazteko konpromisoa hartu dute, bai eta proba pilotua dela-eta egingo diren prestakuntza eta jarraipen jardueretan parte hartzeko.

BARIK txartelaren titulua, euskarri berriari egokitutako Creditrans titulua denez, txartel hori erabiliko dutenek Creditrans txartelaren funtzionamendu araubide juridiko bera, eskubide berak (aseguruak, garraioa, tarifak, hobariak...) eta betebehar berak izango dituzte, BARIK txartelari buruz zehaztutakoa ere kontuan izanik.

Titularrak ez badu betetzen orri hauetan dakarrena, txartela baliogabetu ahal izango da edozein unetan eta proba pilotutik kanpo geratu ahal izango da. Edonola ere, txartela baliogabetzen bada eta proiektutik kanpo geratzen bada, Titularrak txartela erabiltzeko eskubidea galduko du.

Titularrak bere borondatez utzi ahal izango du proiektua.