CTB-ek informatzen du

03/06/2016

Lehenengo hiru hilabeteetan, kargatzeko 25.000 eragiketa baino gehiago egin zituzten erabiltzaileek sakelako telefonoen Barik aplikazioaren bitartez.

Bizkaiko Garraio Partzuergoaren (BGP) aplikazioarekin, PlayStore-n dagoena, informazioa kontsultatzeko 158.342 eragiketa eta kargatzeko 25.137 eragiketa egin ziren maiatzaren 31ra arte.

Abian jarri zenetik hiru hilabete igaro eta gero, Bizkaiko Garraio Partzuergoaren (BGP) “Barik NFC” aplikazioan, guztira, 25.137 kargatze egin dira. Gainera, 16.776 erabiltzailek dagoeneko “app” hori eskuratu dute, Android sistema-eragilean duten sakelakoetatik Barik txartela kargatzeko aukera ematen duena. Guztira, 158.342 informazio-kontsulta egin dira.

Egin diren 25.137 eragiketetatik 24.241 Barik diru-txartela kargatzeko egin ziren eta beste 896 Metro Bilbao, Bizkaibus edo Bilboko Bilbobus eta Artxandako funikularrerako hileko txartelak erosteko.

Martxoaren 1etik, hortaz, dagoeneko posible da Barik txartela sakelako telefono adimendun batetik kargatzea. Bizkaiko Garraio Partzuergoak (BGP) Google PlayStore-n aktibatu du “app” hori. Aplikazioan, denbora laburrean txartela kargatzeko milaka toki berri egon dira erabilgarri, aurretik Bizkaia osoan zehar zeuden 800 kargatzeko tokiez gainera (tabako-dendak, kioskoak, kutxazainak, geltokiak...). Aplikazio berriari esker, erabiltzaileak edozein Barik kargatu ahal izango du, nahi beste aldiz, edozein tokitatik eta eguneko edozein ordutan. Horrez gain, geratzen den saldoari, azken mugimenduei eta beste gauza askori buruzko informazioa lortu ahal izango du.

Ticketing sistemen eremuan izaten diren azken aurrerapen teknologikoak, pixkanaka, Bizkaian ezarri nahi ditu BGPk; hain zuzen, proiektua BGPren politika horren barruan sartzen da. Lortutako datuei erreparatuz gero, arrakasta handia izan duela esan daiteke; izan ere, hasierako espektatibak gainditu dira. Aplikazioa abian jarri aurretik, Barik txartelaren ohiko tokietan kargatu ahal ziren txartelak (Metro Bilbao, Euskotren, Euskotran, Renfe –FEVE barne-, Larreinetako funikularra, Artxandako funikularra, Bilbobus eta Bizkaibuseko kabinak, tabako-dendak, kioskoak, merkataritza lokalak eta BBK-ko kutxazainak); eta abendutik aurrera webgunean bertan (ctb.eus) ere egin daiteke. Une honetan, 1,4 milioi Barik txartel baino gehiago daude zirkulazioan.

Funtzionamenduari buruzko informazio gehiago: http://www.ctb.eus/app-barik-nfc

EranskinaTamaina
PDF icon 030616_barik_movil_eus.pdf67.51 KB
19/04/2016

3. lineako erabiltzaileek txartel bakarra ordainduko dute lur azpiko sarean egin behar dituzten joan-etorrietan.

BGPko Kontseiluak erabaki du Metro Bilbaoko 1 eta 2 lineek eta Euskotrenen 3. lineak zerbitzu bakar moduan funtzionatuko dutela herritarrentzat.

Bizkaiko Garraio Partzuergoak (BGP), Eusko Trenbideak (ET/FV) eta Metro Bilbaok egin duten akordioaren arabera, linea berria abian dagoenean txartel eta tarifa berberak erabiliko dira bi operadoreetan.

Bizkaiko Garraio Partzuergoko (BGP) Kontseilu Nagusia gaur eguerdian bildu da Bilbon, eta hartu duen erabakiaren ondorioz Metro zerbitzuaren hiri inguruko edozein lineatan mugitzen diren erabiltzaileei ez zaie ontzi-aldaketa aplikatuko. Hau da, 1., 2. edo 3. lineako edozein erabiltzailek bidaia bakarra ordainduko du, baldin eta bidaia hori hiri inguruko geltokien artean egin bada.

3. linea abian jarri eta azaldutako premisaren arabera ustiatu baino lehen, alabaina, erabaki batzuk hartu behar dira operadoreen tarifa-eskemari lotuta; izan ere, 2017. urtean abian jarriko den trazadura berri hori metroko beste linea bat izango da herritarrarentzat, bi operadore desberdinek ustiatzen badute ere. Hori da akordioaren ondorio garrantzitsuenetako bat. Alderdiek honako premisa adostu dute hasieran: 3. linea (San Antonio-Matiko) Metroaren beste linea bat izango da ondorio guztietarako, eta L1, L2 eta L3 lineen artean egiten den edozein bidaia Metroko bidaia bakar gisa hartuko da erabiltzailearentzat, hots, ontzi-aldaketarik egin ez dela ulertuko da.

Akordioaren bidez Bizkaiko Garraio Partzuergoak konpromiso gisa hartu du L3 linea abian jartzeari lotuta deskribatu diren ekintzak garatzeko Metro Bilbaoko eta Euskotreneko esparru guztietan behar diren ekipamenduaren eta sistemen erosketa eta hasierako egokitzapena finantzatuko dituela.

Bestalde, 28/040 eta 29/040 kilometro-puntuetan bide-plataforma berritzeko eta Plentziako geltokiko 2. bideko nasa luzatzeko lizitazioa onartu du Bizkaiko Garraio Partzuergoak. Urdulizko bidea lurperatzeko lanen ondorioz tarte horretan zerbitzurik ez dagoela aprobetxatuko da. Aurrekontua 777.719,19 euro da, eta lanak burutzeko epea 3 hilabetekoa.

Azkenik, BGPk Thales enpresari adjudikatu dio Urdulizko bidea lurperatzeko lanen ondorioz Metro Bilbaoko Aginte-mahai Zentralizatuan behar den softwarea egokitzeko zerbitzua, 280.890,61 eurotan eta sei hilabetetan burutzeko.

EranskinaTamaina
PDF icon linea3_190416_eus.pdf35.47 KB
01/04/2016

BGPk Barik txartelari buruzko informazioa emateko telefono-zenbaki berria aktibatu du

Bizkaiko Garraio Partzuergoak (BGP) 94 685 50 00 telefono-zenbakia kontratatu du eta horren bidez, herritarrek Barik txartelaren eta lurraldeko garraio publikoaren inguruko informazio guztia lortu ahalko dute.

94 probintzia-kodea daraman telefono-zenbaki hori aste honetan gehitu da BGPk San Mames geltoki intermodalean daukan bezeroei arreta emateko bulegoaren bidez herritarrei informazioa emateko zerbitzura. Horrela, Bizkaiko Batzar Nagusiek agindutakoa bete da.

Momentu honetan telefonia-enpresen kontratu gehienek telefono finkoetara doan deitzeko aukera barne hartzen dute eskaintza komertzialetan eta beraz, pauso hori emanez gero, herritarrek dirua aurreztuko lukete. BGPren informaziorako telefonoguneak 11.000 dei jaso zituen 2015ean.

Hasiera batean bi telefono-zenbakiak mantenduko dira hilabete batzuez, bai 901 123 123 eta bai 94 685 50 00, eta ostean 94 probintzia-kodea daramana bakarrik geldituko da.

EranskinaTamaina
PDF icon prentsaoharra_010416.pdf22.49 KB
01/03/2016

Barik txartela sakelako telefonoaren bidez kargatzeko BGPren “app”-ak 2.414 deskarga izan ditu egun bakarrean.

Aktibo egon den lehenengo egunean, Google PlayStore-n dagoen Bizkaiko Garraio Partzuergoaren (BGP) Barik aplikazioak guztira 2.414 deskarga izan ditu. Barik txartela kargatzeko aukera ematen duen “app” hori dagoeneko eskuratu duten erabiltzaileek 6.758 kontsulta eta kargatzeko 572 eragiketa egin dituzte Android 4 sistema-eragilea edo berriagoa duen smarthone batetik (563 Barik diru-txartelarenak eta 9 hileko txartelarenak). Eragiketa horien bidez 5.607,2 euro ordaindu dira.

Atzotik, beraz, dagoeneko posible da Barik txartela sakelako telefono adimendun batetik kargatzea. Bizkaiko Garraio Partzuergoak (BGP) Google PlayStore-n aktibatu du “app” hori. Aplikazioan, egun bakarrean txartela kargatzeko 2.414 toki berri egon dira erabilgarri, aurretik Bizkai osoan zehar zeuden 800 kargatzeko tokiez gainera (tabako-dendak, kioskoak, kutxazainak, geltokiak...). Aplikazio berriari esker, erabiltzaileak edozein Barik kargatu ahal izango du, nahi beste aldiz, edozein tokitatik eta eguneko edozein ordutan. Lehenengo egunean, BGPk ez du azpimarratzeko moduko gertaerarik erregistratu.

Partzuergoak aurreikusitakoaren arabera, garraio-txartelak “on line” kargatuko dira; horretarako, NFC (Near Field Communication) teknologia aktiboa duen sakelako telefono “adimentsua” erabili beharko da, eta ordainketa segurua egiteko atebidearen bitartez ordaindu beharko da. Beraz, erabiltzaileak edozein tokitatik handitu ahal izango du bere txartelaren saldoa, edo Barik-en sar daitekeen garraio-txartel bat erosi ahal izango du, kargatzeko saltoki fisiko batera joan beharrik izan gabe.

Funtzionamenduari buruzko bideoa: http://www.ctb.eus/sites/default/files/Barik2016Eusk.mp4

EranskinaTamaina
PDF icon 20160301_barik-movil_eus.pdf43.93 KB
26/02/2016

BGPk astelehenetik aurrera ezarriko du Barik txartela sakelako telefonoaren bidez modu masiboan kargatzeko sistema .

Otsailaren 29tik, astelehenetik, aurrera Barik txartela sakelako telefono adimentsuen bidez kargatu ahal izango da. Hasieran, Google PlayStore-n aurkitu ahal izango da BGPren aplikazioa eta soilik erabili ahal izango da Android 4.0 sistema eragilea edo hori baino berriagoa duten NFC teknologiadun “smartphone”-tan. Baina, gero, beste sistema eragile batzuetan ere erabili ahal izango da. Bizkaiko Garraio Partzuergoak (BGP) “app” berri bat aktibatuko du Google PlayStore-n, eta txartelak kargatzeko milaka toki zehaztuta egongo dira bertan. “ctb.eus” estekan sartuta ere eskuratu ahal izango da aplikazioa. Aplikazioari esker, erabiltzaileak edozein Barik kargatu ahal izango du, nahi beste aldiz, edozein tokitatik eta eguneko edozein ordutan. 740 erabiltzailek arrakasta handiz probatu dute sei hilabetean zehar (iazko uztailaren erditik aurrera) aplikazio esperimentala, proba pilotua egin zenean; baina, hala ere, erabiltzaile horiek proposatutako hobekuntza batzuk sartu ditu Garraio Partzuergoak. “App” berria azkarragoa izango da; sakelako telefonoen modelo gehiagotan erabili ahal izango da, bertsio elebiduna eskainiko du eta V.me by VISA bidez ordaintzeko aukera emango du. Partzuergoak aurreikusitakoaren arabera, garraio-txartelak “on line” kargatuko dira; horretarako, NFC (Near Field Communication) teknologia aktiboa duen sakelako telefono “adimentsua” erabili beharko da, eta ordainketa segurua egiteko atebidearen bitartez ordaindu beharko da. Beraz, erabiltzaileak edozein tokitatik handitu ahal izango du bere txartelaren saldoa, edo Barik-en sar daitekeen garraio-txartel bat erosi ahal izango du, kargatzeko saltoki fisiko batera joan beharrik izan gabe Ticketing sistemen eremuan izaten diren azken aurrerapen teknologikoak, pixkanaka, Bizkaian ezarri nahi ditu BGPk; hain zuzen, proiektua BGPren politika horren barruan sartzen da. Orain arte, Barik txartelaren ohiko tokietan kargatu ahal izan da txartela (Metro Bilbao, Euskotren, Euskotran, Renfe –FEVE barne-, Larreinetako funikularra, Artxandako funikularra, Bilbobus eta Bizkaibuseko kabinak, tabako-dendak, kioskoak, merkataritza lokalak eta BBK-ko kutxazainak); eta abendutik aurrera webgunean bertan (ctb.eus) ere egin daiteke. Gaur egun 1,3 milioi Barik txartel baino gehiago daude zirkulazioan, eta txartelak kargatzeko 800 puntu baino gehiago aurki ditzakegu Bizkaia osoan. Funtzionamenduari buruzko bideoa: http://www.ctb.eus/sites/default/files/Barik2016Eusk.mp4

EranskinaTamaina
PDF icon 260216_appnfcbarik_eus.pdf44.51 KB
16/02/2016

Mugi eta Bat txartelak Metro Bilbaon erabil daitezen onartu du BGPk.

Euskadiko Txartel Bakarra edukitzeko bideak aurrera egiten jarraitzen du. BGPren Kontseilu Nagusia gaur eguerdian bildu da, Bilbon, eta Mugi eta Bat txartelak Metro Bilbaon erabiltzeko hitzarmenak onetsi ditu. Izan ere, Mugi eta Bat Bizkaiko Barik-en “ahizpak” dira Gipuzkoan eta Araban.

Aurretik egin diren lan-bilerak Eusko Jaurlaritzak koordinatu ditu, eta orain, “contactless” delakoen jabetza duten erakundeak (Gipuzkoako Garraioaren Lurralde Agintaritza eta Euskotrenbideak sozietate publikoa, hau da, BAT txartela Araban kudeatzen duena) ados jarri dira; beraz, txartel horien dirudun modalitateak Bilboko metroan erabili ahal izango dira.

Barik, Mugi eta Bat txartelak hiru lurralde historikoetan erabili ahal izateko bidaia etengabean sartzen den urrats bat izan da hori. Hasieran, lehenengo fasean, proba pilotua egin zen; orduan, hiru txartelak erabili ahal izan ziren Bilbo eta Gasteizko tranbietan eta Larreinetako funikularrean. Baina urte honen erditik aurrera Metro Bilbao operadorean ere erabili ahal izango dira txartelak.

BGPk luzatu egingo du Eusko Trenbideak/FerrocarrilesVascos (ET/FV) entitatearekin sinatuta duen kontratu arautzailea, txartel turistikoa Bilbao Bizkaia Card txartelaren barruan ezartzeari buruzkoa. Beraz, martxoaren 1etik aurrera, txartel hori Euskotrenen erabili ahal izango da, Bilbo-Ermua eta Bilbo-Bermeo lineetan.

Bilbao Bizkaia Card txartela duen bidaiariak nahi beste bidaia egin ditzake txartelaren balio-denboran zehar (aldia egun batekoa, bikoa edo hirukoa da). Gaur egun Metro Bilbaon, Bilboko tranbian, Bizkaibusen, Bilbobusen eta Artxandako funikularrean erabil daiteke. Izan ere, 2015. urtean 11.596 bidaia egin ziren txartel horrekin, hau da, aurreko urtean baino hiru aldiz bidaia gehiago.

Bestalde, Partzuergoak erabaki du kontratu berri bi eskainiko dituela Urdulizko trenbide-pasagunea lurperatzen jarraitzeko eta lurpean geltoki berria eraikitzen jarraitzeko. Urdulizko geltokiko seinaleen, altzarien eta bulego teknikoaren proiektua onartu da, 528.077,71 euroko aurrekontuarekin hasieran, eta 4 hilabeteko burutzapen-epearekin.

Era berean, obra horren Gainegitura lanen barruan, Urdulizko geltokiko txartelak saltzeko eta balidatzeko sistemaren instalazioentzako lehiaketa atera du Partzuergoak, 156.453,05 eurotan eta fabrikatzeko eta instalatzeko 5 hilabeteko epearekin.

EranskinaTamaina
PDF icon 160216_cg_eus.pdf24.75 KB
05/02/2016

Barik txartela % 1,5 gehiago erabili da, eta lehenengo aldiz egin dira 120 milioi balioztatze baino gehiago urtean.

2012ko urrian denentzat aktibatu zenetik, Barik txartelaren erabilera etengabe ari da hazten. 2015ean zehar, Bizkaiko Garraio Partzuergoaren (BGP) kontakturik gabeko euskarriak 120.065.100 bidaiari izan ditu, hau da, 2014an baino 1.753.335 gehiago. Horrela, hazkunde-tasa % 1,48koa izan da.

Txartelaren hedapena eta erabilera bizkaitar guztien artean zabaldu da; izan ere, gaur egun Bizkaiko biztanleak baino Barik txartel gehiago daude: 1.322.243 txartel daude. Eta Bizkaiko “muga” ere gainditu du txartelaren erabilerak. Kopuru orokorrak aintzat hartuta, datu bat azpimarratu behar da: Barik txartelarekin Gasteizko tranbian egin ziren 73.895 bidaiak, Barik, Mugi (Gipuzkoa) eta Bat (Araba) euskarriak Eusko Jaurlaritzaren menpeko garraiobideetan (Gasteizko eta Bilboko tranbiak eta Larreinetako funikularra) erabili ahal izateko akordioari esker egin zirenak.

Iaz, Barik txartelaren erabiltzaileek 11.480.051 aldiz kargatu zuten txartela (94,79 milioi euro) eta 242.560 txartel berri igorri ziren.

Gaur egun 1.322.243 Barik txartel daude; horietako 435.040 pertsonalizatuak dira (245.877 gorriak, Gizatrans) eta gainerakoak, 887.203, anonimoak dira (hauetako 49.259 erregistratuta daude).

Txartela errazago erabiltzeko asmoz, Bizkaiko Garraio Partzuergoak txartela kargatzeko saltoki gehiago prestatu du. Bizkaian guztira 1.130 saltoki fisiko daude txartela kargatzeko, eta lurraldetik kanpo beste 298 saltoki Kutxabank kutxazainetan (87 Araban eta 206 Gipuzkoan). Abendutik aurrera, gainera, Barik ctb.eus webgunearen bidez ere karga daiteke; eta laster sakelako telefonotik ere egin ahal izango da. Bestalde, erabiltzaileek denbora luzeagoan erabili ahal izango dute txartela, BGPk iaz erabaki baitzuen txartelaren indarraldia beste hiru urtez luzatzea (4tik 7 urtera igaroz).

Partzuergoaren kontakturik gabeko txartelarekin Bizkaiko garraio publiko ia guztiak erabil daitezke.

EranskinaTamaina
PDF icon 050216_balantze_barik_eus.pdf28.58 KB
29/01/2016

19 Ikastetxek parte hartu dute Aktibatu+ iraunkortasun programaren laugarren fasean, orain arteko 534 ikasleren parte hartzearen ondoren.

Proiektuaren lehenengo hiru faseetan parte hartu duten 42 ikastetxeek %20ko aurrezpena lorgu dute urteko energia kontsumoan eta 2 tonatan murriztu dituzte CO2 isuriak. Orain arte, 73 udalerrik burutu dute ekimena, bataz beste, 1.500 etxebizitzaren parte-hartzea izanik. Horietan, energia kontsumoa %5,8 eta ur kontsumoa %2,9 murriztea lortu dute, %1,9 hondakin gutxiago sortzea lortu dute eta %1,7 murriztu dituzte CO2 isuriak, mugikortasun arloko ohiturak aldatuz. Laugarren fasea jasoko duten eskualde eta udalerrietako etxebizitzek programan parte hartezeko izen-emate epea irekitu da. Horretarako, tresna simple eta erangikorrak barne hartzen dituen webgune espezifikoa dute eskuragarri. Hartara, udalerri parte-hartzaileen eta mankomunitateen webguneen bitartez sar daiteke webgunean, baita www.bizkaia21.eus webgunearen bitartez ere, Aktibatu+ atalean kontsultatua. Fase bakoitza bukatutakoan, etxebizitzei zuzendutako atalean barne hartzen diren parte-hartzaileek zozketa batean parte hartuko dute eta sari ugari eta askotarikoak jasotzeko aukera izango dute (IPad-ak, bizikletak, landetxeetan egonaldiak, liburu loteak edo bisita gidatuak Bizkaiko leku ezagunetan).

aktibatu

EranskinaTamaina
PDF icon prentsaoharra_16-01-28.pdf201.16 KB
PDF icon folleto_gap_2015-2016.pdf299.17 KB
09/12/2015

BGPk 200 milioiko aurrekontua izango du 2016an, aurtengoa baino %8,26 gehiagokoa.

Bizkaiko Garraio Partzuergoaren (BGP) Kontseilu Nagusia gaur bildu da Bilbon eta onetsi dituen gaien artean, erakundeak datorren urtean izango duen aurrekontua azpimarratu behar da. BGPk 200.002.884 euro izango ditu, tokiko erakundeak bere gain hartutako betebeharrei aurre egiteko. 2016ko kontuak % 8,26 handiagoak izango dira, aurtengoekin alderatuz gero.

Batzar berean, Kontseiluak oniritzia eman dio Metro Bilbao S.A.ren aurrekontuari, 74,5 milioi eurokoa izango dena. Partzuergoak Metro Bilbaoren kontuetara egindako ekarpena 11 milioi eurokoa izango da.

Modu bertsuan, Bizkaiko garraio publikoa koordinatzen duen erakundeko erabaki-organoak Dominion enpresari esleitu dio Bilbo Metropoliko Trenbidearen Sopela-Plentzia tarteko komunikazioen proiektua, 538.757 eurogatik eta 6 hilabeteko epearekin, Urdulizko trenbide-pasagunea lurperatzeko obren baitan.

Bestalde, Bombardier konpainiak komunikazioen plataforma bateratua eskainiko du metro geltokien eta aginte-mahaiaren artean, 485.619 eurogatik eta 9 hilabeteko epearekin.

EranskinaTamaina
PDF icon 151209_aurrekontua_2016.pdf21.04 KB
04/12/2015

BGPk otsailean ezarriko du Barik txartela sakelako telefonoaren bidez modu masiboan kargatzeko sistema.

Hurrengo urteko otsailaren erditik aurrera Barik txartela sakelako telefono adimentsuen bidez kargatu ahal izango da. BGPk kargatzeko milaka toki gehitzeko aukera emango duen sistema bat ezarriko du, 740 erabiltzailez osatutako talde batek uztailaren erditik sakelako telefonoetarako aplikazio bat probatu eta proba hori ondo atera ostean. Aplikazio berriari esker, erabiltzaileak edozein Barik kargatu ahal izango du, nahi beste aldiz, edozein tokitatik eta eguneko edozein ordutan. Edozein toki geografikotik eta txartelak kargatzeko toki finko batera joan beharrik izan gabe gehitu ahal izango du erabiltzaileak txarteleko saldoa, edo erosi ahal izango du Barik txartelari lotutako edozein garraio-txartel.

Beste aldetik, Abenduaren 9etik, asteazkenatik, aurrera Barik txartela BGPren webetik kargatu ahal izango da. Edozein erabiltzailek BGPren webgunean bertan kargatu ahal izango du Barik txartela (anonimoa edo pertsonalizatua), horretarako erregistratu beharrik izan gabe. Webean ordaindu ostean, erosketa egin eta hurrengo eguneko 5:00etatik aurrera egongo da karga hori erabilgarri sisteman; une horretatik aurrera, erositakoa Barik txartelean kargatzeko prest egonda da. Baina karga gauzatu eta Barik txartelean grabatu ahal izateko urrats garrantzitsu bat falta da. Erabiltzaileak txartela kontsultatu beharko du Metro Bilbaoko kargatzeko makina batean, Bilbobus eta Bizkaibuseko kabinetan, kioskoetan, tabako dendetan, eta Barik txartela karga daitekeen merkataritzako establezimenduetan edo bankuko kutzazainetan. Une horretan, webaren bidez erositako txartela Barik txartelean kargatuko da.

EranskinaTamaina
PDF icon 041215_barik_movil_eu.pdf42.49 KB
03/12/2015

"Kargatu Barik NFC sakelako telefonoarekin" izeneko proiektu pilotuan parte hartu dutenen artean sakelako hiru telefono zozketaren emaitza.

BGPko bulegoetan, fede-emaile publikoaren aurrean, abenduaren 27an egindako "Kargatu Barik NFC sakelako telefonoarekin" izeneko proiektu pilotuan parte hartu dutenen artean sakelako hiru telefono zozketaren irabazleak hauek dira:
- Mikel Santamaría Guerrero
- Marta Gonzalo Moja
- Mª Eugenia Moro Abascal.
Sariak ostiralean, abenduaren 4an, emango dira BGPko bulegoetan.

Proiektu pilotuaren lehenengo fasea amaitu ostean, BGPk erabaki du proiektuak aurrera egingo duela. Eraginkor izaten jarraituko du Barik txartelak NFC sakelako telefonoen bidez kontsultatzeko eta kargatzeko zerbitzua.

EranskinaTamaina
PDF icon erabiltzailearen_gida_nfc.pdf2.51 MB
Fitxategi barik_eusk_1.mp49.83 MB
27/11/2015

BGPk datorren asteartean, abenduak 1, jarriko du berriro martxan Metro Bilbaoren Mamarigako Funikularreko zerbitzua.

BGPk ia guztiz amaituta dauzka Mamarigako kanoia zaharberritu eta egokitzeko obrak. Metro Bilbaoren Santurtziko geltokiko sarbide hori itxi egin zen ekainaren 14an, barruan sutea izan zelako. Suak kalte handiak eragin zituen instalazioetan, Abenduaren 1etik aurrera, behar diren egiaztapenak egin eta gero, Santurtziko bizilagunek berriro erabili ahal izango dute funikular automatikoa, dohainik, herriko erdialdetik Mamarigako goi auzorainoko 400 metroko malda gainditzeko. BGPk guztira 1.375.000 euro inbertitu ditu konponketan, eta aseguru etxeak kostu ia osoa bere gain hartu du.

EranskinaTamaina
PDF icon 151127_mamariga_eu.pdf27.6 KB
26/11/2015

BGPk astelehenean hasiko ditu Metroaren Plentziako geltokiaren ondoan dagoen Gurutze Gorriaren eraikina eraisteko lanak.

BGP azaroaren 30ean, astelehenean, hasiko da eraisten "Gurutze Gorriaren eraikina eta 20 taberna" bezala ezagutzen diren higieziñak, Metro Bilbaoren Plentziako geltokiaren ondoan daudenak.
Lanak hiru egun luzatuko dira eta eraitzi ostean, geltokiaren ondoan espazio bat hutsik geratuko denez, Partzuergoak Metro Bilbaoren 1. linearen azken geralekua berritzeko lanak egin ahal izango ditu hurrengo urtean.
Lanek ez dute eraginik izango geltokiaren inguruan. Aste Santutik gaur arte Plentzia eta Sopela geltokien arteko lotura zerbitzua geratzen da geltoki horretan.

EranskinaTamaina
PDF icon 151126_plentzia_eu.pdf37.94 KB
25/11/2015

"Kargatu Barik NFC sakelako telefonoarekin" izeneko proiektu pilotuan parte hartzen dutenen artean sakelako hiru telefono zozketa.

"Kargatu Barik NFC sakelako telefonoarekin" izeneko proiektu pilotuan parte hartzen dutenen artean sakelako hiru telefono zozketatzeko oinarrietan ezarritakoa betez, zozketa azaroaren 27an egingo da, BGPren bulegoetan; 12:30ean, fede-emaile publikoaren aurrean.

Proiektu pilotuaren lehenengo fasea amaitu ostean, BGPk erabaki du proiektuak aurrera egingo duela. Eraginkor izaten jarraituko du Barik txartelak NFC sakelako telefonoen bidez kontsultatzeko eta kargatzeko zerbitzua.

27/10/2015

Unai Rementeriak gaur hartu du Bizkaiko Garraio Partzuergoaren presidentziaren kargua

Ahaldun Nagusia, Unai Rementeria, Bizkaiko Garraio Partzuergoaren (BGP) lehenengo Kontseilu Nagusiko buru izan da gaur goizean, Bilbon. Izan ere, Eusko Jaurlaritzak bera izendatu du Partzuergoko presidente.Basauriko alkatea, Andoni Busquet, Partzuergoko presidente orde aukeratu da.

Bileran, besteak beste, Bizkaiko Foru Aldundiko eta Udaletako ordezkariek dagozkien karguak hartu dituzte Bizkaiko garraio publikoa koordinatzen duen erakundeko erabaki-organo horretan.

BGPn erabakiak hartzen dituen goren organoak hartu duen erabaki garrantzitsuena hauxe da: Bilbao Bizkaia Ur Partzuergoaren Galindoko araztegirako sarbide berria erabiltzeko eta mantentzeko hitzarmen arautzailea onartu du. Sarbide hori Metro Bilbaoren Urbinagako geltokian egin da. Halaber, BGPk lankidetza akordio berri agin du Centro Tecnologico en Logística Integral de Cantabria (CTL) fundazioarekin. Horren arabera, Kantabriako garraio publikoan kontakturik gabeko txartela ezartzeko aholkuak emango zaizkie. Barik txartelaren antzekoa jarriko dute, CTLko arduradunen esanetan, berau eredu "egokia" delako Kantabriako ticketing sistema garatzeko.

EranskinaTamaina
PDF icon 271015_cg_eus.pdf80.92 KB
07/09/2015

Milioi erdi erabiltzailek luzatu dute dagoeneko Barik txartelaren iraungitze-data.

Ostegunera arte, hau da, irailaren 3ra arte 493.587 Barik txartelen iraungitze-data luzatu da 4tik 7 urtera, baina guztira 1.275.499 txartel daude. Bizkaiko Garraio Partzuergoak (BGP) uztailaren 13an aktibatu zuen Barik txartel guztien (anonimoen edo pertsonalizatuen) indarraldia aldatzeko aukera. Eta orain ohartarazi du astelehenean, irailaren 14an, hasiko direla iraungitzen Partzuergoak proba pilotua egin zuenean erabiltzen hasi ziren lehenengo txartelak. (Sistemako zaharrenak).

Hori ez gertatzeko, lehenengo txartel horien erabiltzaileak – BGPk 28.000 txartel atera zituen, doan, 2011ko irailean, sistemaren funtzionamendua probatzeko- eta oraindik indarraldia luzatu gabe duten beste guztiak iraungitze-data alda dezakete, Bizkaiko garraio publikoaren sareko 500etik gora tokitan: Metro Bilbaoko makina automatikoetan, Bizkaibus eta Bilbobuseko kabinetan, tabako dendetan, kioskoetan eta merkataritza lokaletan, sistemari atxiki bazaie. Erabiltzaileak toki horietako batera joan behar du Barik txartela iraungitzeko eguna baino lehen.

EranskinaTamaina
PDF icon 070915_iraungitze-data_barik_eu.pdf40.14 KB
16/07/2015

Garraio Partzuergoak proba pilotua hasiko du Barik txartela sakelako telefonotik kargatzeko

Barik txartel pertsonalizatuak (argazkidunak) edo erregistratuak dituzten bezeroak aukeratuko ditu BGPk, eta haiekin “app” berri bat probatuko du 4 hilabetean zehar. Android 4.0 sistema eragilea edo berriagoa eta NFC teknologia dituzten sakelako telefonoentzat izango da aplikazioa.

Bizkaiko Garraio Partzuergoak (BGP) gaur bertan hasiko du Barik txartelak sakelako telefonoaren bidez kargatzeko proba pilotua. Oraingoz, sistema probatuko duten erabiltzaileak bila dabil BGP, baina urtea amaitu baino lehen modu masiboan erabili ahal izango da. Proba egingo duen taldean sartu nahi duten boluntarioek Barik pertsonalizatua (argazkiduna) edo erregistratua eduki behar dute; horrez gain, haien sakelako telefonoak NFC teknologia eduki behar du, eta telefono horren sistema eragilea Android 4.0 edo berriagoa izan behar da.

Baldintza horiek betez gero, bezeroek hemen eman dezakete izena: Partzuergoaren webguneko (ctb.eus) “nire Barik-en sartu” aukera, “NFC PILOTUA” atala. Gero, BGPk esteka bat bidaliko dio mezu elektroniko baten bidez, esteka horretan klik eginez sakelako telefonorako “app”-a jaitsi ahal izateko. Aplikazio berri horri esker erabiltzaileak edozein Barik kargatu ahal izango du, nahi beste aldiz. Horretarako, kargatu nahi duen billetea aukeratu behar du, eta bankuko txartel baten datuak sartu (merkataritza elektroniko segurua) zenbateko hori ordaintzeko.

13/07/2015

BGPk gaur aldatuko du Barik txartel guztien iraungitze-epea, 4tik 7 urtera.

Bizkaiko Garraio Partzuergoak (BGP) erabaki du iraungitze-epea 3 urtez luzatzea Barik txartel guztiei, bai orain zirkulazioan daudenei bai gaur bertan eta aurrerantzean erosten direnei

BGPk egindako azterketa teknikoetan egiaztatu denez, Barik txartelak daukan txip integratua, aitzindaria eta berritzailea inguruneko beste operadore batzuek erabiltzen dutenaren aldean, lau urte igaro eta gero ezin hobeto funtzionatzen ari da. Horrek erabilera epea luzatzeko erabakia hartzeko aukera eman dio erakundeari.

Orain erabiltzen ari diren txartelen iraungitze-epea luzatzeko, erabiltzaileek nahikoa izango dute Metro Bilbaoko edozein geltokira joan eta txartelak saldu eta kargatzeko makina automatiko batean epea luzatzea. Txartela erabiltzeko azken eguna modu automatikoan aldatuko da, erabiltzailearentzako kosturik gabe. Nahikoa da txartela makinan sartzea. Egin beharreko tramite hori edonoiz egin daiteke, gaurtik hasita; baina betiere Barik txartela bere oraingo iraungitze-datara heldu baino lehen egin behar da..

EranskinaTamaina
PDF icon 130715_barik_iraugintze_epea.pdf26.46 KB
13/07/2015

Bi aste eskasetan, 200.000 erabiltzailek baino gehiagok luzatu dute Barik txartelaren iraungitze-data

Bi aste eskasetan 200.000 Barik txartel baino gehiagoren iraungitze-data luzatu da 3 urtez. Bizkaiko Garraio Partzuergoak (BGP) uztailaren 13an aktibatu zuen Barik txartel guztien (anonimoak zein pertsonalizatuak) baliozkotasun-epea 4 urtetik 7 urtera aldatzeko aukera, Metro Bilbaoko geltokietan. Abuztuaren 4tik, asteartetik, aurrera Bizkaiko garraio-sarearen beste 550 puntutan ere luzatu ahal izango da iraungitze-data (Bizkaibus eta Bilbobuseko kabinetan, estankoetan, kioskoetan, eta sistemari atxiki zaien merkataritza lokaletan).

Txartelen iraungitze-data luzatzeko, erabiltzaileek Metro Bilbaoko geltoki batera joan behar dute, Barik-a iraungi baino lehen. Txartelak saltzeko eta kargatzeko makinetan barik sartu eta automatikoki txartelaren baliozkotasun-epea luzatuko da, erabiltzaileentzako kosturik gabe.

Datorren abuztuaren 4tik aurrera erabiltzaileek txartelen iraungitze data aldatu ahal izango dute Bizkaibus eta Bilbobuseko kabinetan eta estanko kiosko eta merkataritza lokaletan. Kontsulta edo errekarga bat egiterakoan txartelaren baliozkotasun-epea automatikoki luzatuko da, erabiltzaileentzako kosturik gabe.

EranskinaTamaina
PDF icon 300715_np_ampliacion_barik-eus.pdf26.28 KB
02/07/2015

BGP 4 urtetik 7 urtera luzatu du Barik txartel guztien iraungitze-epea

Bizkaiko Garraio Partzuergoak (BGP) erabaki du iraungitze-epea 3 urtez luzatzea Barik txartel guztiei, bai orain zirkulazioan daudenei bai uztailaren 13tik aurrera (astelehena) erosten direnei.

BGPk egindako azterketa teknikoetan egiaztatu denez, Barik txartelak daukan txip integratua, aitzindaria eta berritzailea inguruneko beste operadore batzuek erabiltzen dutenaren aldean, lau urte igaro eta gero ezin hobeto funtzionatzen ari da. Horrek erabilera epea luzatzeko erabakia hartzeko aukera eman dio erakundeari.

Orain erabiltzen ari diren txartelen iraungitze-epea luzatzeko, erabiltzaileek nahikoa izango dute Metro Bilbaoko edozein geltokira joan eta txartelak saldu eta kargatzeko makina automatiko batean epea luzatzea. Txartela erabiltzeko azken eguna modu automatikoan aldatuko da, erabiltzailearentzako kosturik gabe. Egin beharreko tramite hori edonoiz egin daiteke, uztailaren 13tik aurrera, baina betiere Barik txartela bere oraingo iraungitze-datara heldu baino lehen.

EranskinaTamaina
PDF icon 010715_ampliacion_barik_eu.pdf25.2 KB

Orriak